Arnar hefur haft bílaáhugann með sér frá unga aldri og byrjaði að vinna við bíla aðeins 12 ára gamall. Síðan þá hefur hann safnað sér mikilli reynslu á sviði bílaviðgerða, bilanagreiningar og forritunar og má segja að fátt bílatengt fari fram hjá honum. Í dag fæst Arnar aðallega við að forrita og laga bíla, en áhuginn nær töluvert lengra. Hvort sem um er að ræða vélar, rafmagn, tölvukerfi eða eitthvað sem enginn annar skilur almennilega, þá er Arnar yfirleitt fljótur að finna leið til að komast að því hvað er að.

Ef Arnar væri ofurhetja væri hann líklega AddiBlue – maðurinn sem mætir þegar bíllinn er kominn með fleiri villuboð en hestöfl. Það sem byrjaði sem áhugi hjá 12 ára strák hefur því þróast í ástríðu og starf. Og þó Arnar sé búinn að vinna við bíla í yfir tvo áratug, þá er enn jafn líklegt að hann stoppi við bíl á bílastæði og hugsi: „Hvað ætli sé nú hægt að gera við þennan?“ Bílar eru ekki bara vinnan hans – þeir eru svolítið of mikill hluti af persónuleikanum.

Sigurjón hefur haft mikinn áhuga á bílum frá unga aldri og á að baki fjölda ára reynslu í bílaviðgerðum. Hann hefur lokið námi í bifvélavirkjun og sameinar þannig trausta fræðilega þekkingu og víðtæka verklega reynslu í starfi. Fagmennska, nákvæmni og ástríða fyrir faginu einkenna vinnubrögð Sigurjóns.